ته‌ندروستی جیهانی تیمێك ڕه‌وانه‌ی چین ده‌كات

.

رێكخراوی ته‌ندروستی جیهانی ڕایگه‌یاند: به‌ مه‌به‌ستی ئاشكراكردنی ڕاستیه‌كانی بڵاوبوونه‌وه‌ی ڤایرۆسی كۆرۆنا هه‌فته‌ی داهاتوو تیمێكی ڕێكخراوه‌كه‌یان سه‌ردانی چین ده‌كات و ته‌ئكیدیشی كرده‌وه‌ كۆتایی هاتنی په‌تای كۆرۆنا دیار نیه‌و ڕۆژ له‌دوای ڕۆژیش زیاتر بڵاوده‌بێته‌وه‌ و بۆته‌ ڕاستیه‌كی تاڵ.

تیدرۆس ئه‌دهانۆم گیبریسۆس به‌ڕێوه‌به‌ری گشتی ڕێكخراوه‌كه‌ له‌ لێدوانێكی ڕۆژنامه‌وانیدا ئاماژه‌ی به‌وه‌ كرد كه‌ به‌شێكی زۆری خه‌ڵك له‌ژێر هه‌ڕه‌شه‌ی تووش بوون به‌ ڤایرۆسه‌كه‌دان و ڕووبه‌رێكی فراوانیش بۆ بڵاوبوونه‌وه‌ی ڤایرۆسه‌كه‌ له‌ ئارادایه‌ و دوای شه‌ش مانگ له‌ ده‌ركه‌وتنی ڤایرۆسه‌كه‌ زیاتر له‌ 10 ملیۆن كه‌س تووشی كۆرۆنا بوون و 500 هه‌زار كه‌سیش به‌و په‌تایه‌ گیانیان له‌ده‌ستداوه‌.

راشیگه‌یاند هه‌موومان ده‌یانه‌وێت له‌و په‌تایه‌ رزگاریان بێت و به‌رده‌وامی به‌ ژیان بده‌ن به‌ڵام ڕاستیه‌ تاڵه‌كه‌ ئه‌وه‌یه‌ كۆتایی هاتنی ئه‌و ڤایرۆسه‌ دیارنیه‌ و سه‌ره‌ڕای ئه‌و پێشكه‌وتنه‌ی هه‌ندێك وڵات به‌ده‌ستیان هێناوه‌ په‌تاكه‌ له‌ بڵاوبوونه‌وه‌ی به‌رده‌وامدایه‌.

PUKmedia ئاژانسه‌كان