مەكتەبی سیاسی پیرۆزبایی لە حزبی شیوعی دەكات

.

بەبۆنەی تێپەڕبوونی (27) ساڵ بەسەر پێكهێنانی حزبی شیوعی كوردستانەوە، مەكتەبی سیاسی یەكێتیی نیشتمانیی كوردستان بروسكەیەكی پیرۆزبایان ئاڕاستە دەكات كە ئەمە دەقەكەیەتی:

بەڕێزان/ مەكتەبی سیاسی حزبی شیوعی كوردستان

پاش سڵاو...

بەبۆنەی تێپەڕبوونی (27) ساڵ بەسەر پێكهێنانی حزبی شیوعی كوردستانەوە، پیرۆزبایی گەرمی یەكێتیی نیشتمانیی كوردستان، ئاراستەی ئێوە و تەواوی تێكۆشەرانی حزبی شیوعیی دۆست دەكەین.
پەیوەندییەكانی یەكێتی لەگەڵ حزبی شیوعی كوردستان و پێشتریش لەگەڵ هاوڕێیانی حزبی شیوعی عیراق پەیوەندییەكی هاوخەباتانەی دێرینە، لەسەر دینگەی پتەوی ئامانجە نیشتمانی و نەتەوەیی و دیموكراتییەكان‌و وەك ڕێبازی فیكریش، لەسەر هاوئامانجی دادپەروەری كۆمەڵایەتی دامەزراوەو بەردەوامیش دەبێت.
لەم هەلومەرجە دژوارەی ژیان‌و گوزەرانی خەڵكی كوردستانیش، كە پێویستی بە یەكریزی و شاندانە بەر ئەركە كۆمەڵایەتی و ئابوورییەكان هەیە، یەكێتیی نیشتمانیی كوردستان بانگەوازی حزبە تێكۆشەرەكەتان ‌و هەموو هێزە دەربەستەكانی گۆڕەپانی سیاسیی كوردستان دەكات، پێكەوە تەگبیری هاوبەش بكەین بۆ چاككردنی گوزەرانی هاووڵاتیان و چاكسازیی ڕاستەقینەو هەمەلایەتە، لەسەرجەم سێكتەرەكان بە ستێكتەری رێككەوتن لەگەڵا حكومەتی ئیتحادیش بۆ دابینكردنی شایستە داراییەكانی خەڵكی كوردستان و تێپەڕاندنی ئەم قەیرانە نەخوازراوە.

جارێكی تر یادی دامەزراندنی حزبە تێكۆشەرەكەتان پیرۆزبێت.

مەكتەبی سیاسی
یەكێتیی نیشتمانیی كوردستان

PUKmedia تایبەت