لە زانكۆی گەرمیان پشكنین بۆ هاووڵاتیان دەكرێت

.

لە تاقیگەی زانكۆی گەرمیان رۆژانە پشكنین بۆ 50  هاووڵاتی ئەنجامدەدرێت و سەرۆكی زانكۆی گەرمیان-یش رایدەگەیەنێت، ئەگەر پێداویستییە تاقیگەییەكانمان بۆ دابینبكرێت پشكینی زیاتر ئەنجامدەدەین.

لەو بارەیەوە دكتۆر فەرهاد قادر سەرۆكی زانكۆی گەرمیان بە PUKmedia ی راگەیاند: رۆژی 21-4-2020 تاقیگەی زانكۆكەمان كرایەوە و رۆژانە پیشكنین بۆ 50 هاووڵاتی دەكەین و بە‌پی پێویستی تەندروستی هاوكاریان دەبین.

وتیشی: دواتر ئەنجامی پشكنینەكان رادەستی تەندروستی گەرمیان دەكەینەوە و ئەگەر پێداویستییە تاقیگەییەكانمان بۆ دابینبكرێت ئەتوانین پشكینی زیاتر ئەنجامبدەین.

PUKmedia زمناكۆ یەحیایی