هەولێر.. پەیژەیەك رووداوی هاتوچۆ دروستدەكات

.

لە هەولێر كەوتنە خوارەوەی پەیژەیەك  كەبەشێوەیەكی هەڵە و بێ بەستنەوە لەسەر ئۆتۆمبێلێك دانرابوو، رووداوێكی هاتوچۆی لێكەوتەوە و بەهۆیەوە چەندین ئۆتۆمبێل زیانیان بەركەوت.

فازل حاجی وتەبێژی بەڕێوەبەرایەتی هاتوچۆی هەولێر رایگەیاند: سەعات11ی شەوی رابردوو 18-5-2020، لەسەرشەقامی 60مەتری لەناو نەفەقی ئیسكان پەیژەیەك لەپیكابێك كەوتە خوارەوە و بەهۆی وەستانی شۆفێرەكە بۆ هەڵگرتنەوەی پەیژەكە، تاكسییەك بەخێرایی خۆی بە پیكابەكەدا كێشا و لەئەنجامدا سوڕا و كەوتە سەر رێرەوی پیكابێكی دیكە و ئەویش خۆی پێداكێشا.

راشیگەیاند: لەئەنجامی ئەوپێكدادانە یەك لەدوای یەكە 3 كەس برینداربوون و زیانێكی زۆری مادیشی لێ كەوتەوە.

وتەبێژی بەڕێوەبەرایەتی هاتوچۆی هەولێر راشیگەیاند: دوای لێكۆلینەوە پیكاب سكۆداكە كەپەیژەكەی لەسەربووە  بەلایەنی خەتابار دانراوە.

PUKmedia تایبەت