وەزارەتی ناوخۆ قەدەغەی هاتوچۆی نێوان پارێزگاكانی درێژكردەوە

.

لەنوسراوێكدا وەزارەتی ناوخۆی‌ هەرێمی‌ كوردستان بڕیاریدا كە قەدەغەی هاتوچۆ لە نێوان پارێزگاكانی هەولێر و سلێمانی و دهۆك و هەڵەبجە و ئیدارە سەربەخۆكانی گەرمیان و ڕاپەڕین لە 11 مانگ بۆ 18/5/2020 درێژبكرێتەوە.

وەزارەتی‌ ناوخۆی‌ هەرێمی‌ كوردستان  لەنوسراوەكەدا  ژمارەیەك بڕیاری‌ نوێی‌ بۆ ڕێگریكردن لە بڵاوبوونەوەی‌ ڤایرۆسی‌ كۆرۆنای‌ نوێ دەركرد و بڕیاریدا قەدەغەی‌ هاتوچۆ لەنێوان پارێزگاكانی‌ هەولێر، سلێمانی‌، دهۆك، هەڵەبجە و ئیدارە سەربەخۆكانی‌ ڕاپەڕین و گەرمیان لە 11/5/2020 تا 18/5/2020 بەردەوام بێت.

لەبڕیارەكانی وەزارەتی ناوخۆدا هاتووە، كە قەدەغەی‌ هاتووچۆ لەنێوان هەرێم و پارێزگاكانی‌ عیراق بەردەوام دەبێت و ئەو هاووڵاتیانەی‌ دانیشتووی‌ هەرێمن و لە پارێزگاكانی‌ عیراق گیریان خواردووە، ڕێگایان پێدەدرێت بگەڕێنەوە بەمەرجێك پشكنینی‌ ڤایرۆسی‌ كۆرۆنایان بۆ بكرێت و تا دەرچوونی‌ ئەنجامەكەی‌ كەرەنتین بكرێن.

PUKmedia نوسراو