وێنه‌.. رشاندنی ده‌رمان له‌ مزگه‌وته‌كانی هه‌ڵه‌بجه‌

.

تیمه‌كانی ته‌ندروستی هه‌ستان به‌ ته‌عقیم كردنی مزگه‌وته‌كانی پارێزگای  هه‌ڵه‌بجه‌

ئه‌مڕۆ 9 ئایاری2020  تیمه‌كانی ته‌ندروستی سه‌ر به‌ به‌رێوبه‌رایه‌تی ته‌ندروستی هه‌ستان به‌ ته‌عقیمكردنی مزگه‌وته‌كانی پارێزگای هه‌ڵه‌بجه‌ كه‌ بریتی بوون له‌ مزگه‌وته‌كانی  (ئوسامه‌ ، موسعه‌ب ،عمری كوری خه‌تاب ، پاشا .شافعی ، عوسمانی كوڕی عه‌فان ( شه‌هیدان ) ، وا بڕیاریشه‌ له‌ چه‌ند ڕۆژی داهاتوودا ته‌واوی مزگه‌وته‌كان تــعقیم بكرێن و  نوێــژ خوێنانیش ڕوو بكه‌نه‌ مزگه‌وته‌كان بۆ به‌ جێ هێنانی  نوێژو ته‌راویح.

له‌ژێر ڕۆشنای گرفت و مه‌ترسییه‌كانی سه‌رھه‌ڵدانه‌وه‌ی ڤایرۆسی كۆرۆنا Covid19 پێشنیازمان بۆ كردنه‌وه‌ی مزگه‌وته‌كان وه‌كو به‌رێوه‌به‌رایه‌تی گشتی ته‌ندروستی ھه‌ڵه‌بجه‌ به‌م ڕێكارانه‌ی لای خواره‌وه‌یه‌

١-نوێژخوێنان به‌ده‌ست نوێژه‌وه‌ سه‌ردانی مزگه‌وت بكه‌ن.
٢-نوێژخوێنی خۆشه‌ویست ئه‌گه‌ر كۆكه‌ یان ھه‌ڵامه‌تت ھه‌بوو سه‌ردانی مزگه‌وت مه‌كه‌.
٣-كه‌مترین به‌ركه‌وتن و مانه‌وه‌ت ھه‌بێت له‌مزگه‌وت.
٤-ده‌رگاو په‌نجه‌ره‌كان كراوه‌بن له‌كاتی ئه‌نجامدانی نوێژه‌ به‌كۆمه‌ڵه‌كان و نوێژی ھه‌ینی وه‌ ته‌نھا پاكه‌وانی مزگه‌وت ده‌رگاو په‌نجه‌ره‌كان بكاته‌وه‌.
ڕشاندنی مزگه‌وت پێش نوێژی ھه‌ینی و دوای ئه‌نجامدانی نوێژی ھه‌ینی به‌ مادده‌ی پاككه‌ره‌وه‌ یان مادده‌ی دژه‌ڤایرۆس (ڤێركۆن)به‌شێوازی زانستی
٥-پاككردنه‌وه‌ی به‌رده‌وامی توالێته‌ شوێنی ده‌ست نوێژگرتن دانانی سابوون و پاككه‌ره‌وه‌ كان له‌مزگه‌وت ڕشاندنی ده‌رگاو په‌نجه‌ره‌كان و به‌لوعه‌كان ڕۆژانه‌ به‌ مادده‌ی فاس.
٦-له‌ گشت مزگه‌وته‌كان نوێژی ھه‌ینی ئه‌نجام بدرێت ھاوشێوه‌ی نوێژی جه‌ژن بۆ ئه‌وه‌ی قه‌ره‌باڵغی ته‌نها له‌ چه‌ند  مزگه‌وتێك دا نه‌بێت.
٧-دوورێكی گونجاو له‌ نێوان ڕیزه‌كانی نوێژخوێناندا ھه‌بێت.

PUKmedia