زانكۆی كرماشان ستایشی هاوكاریەكانی یەكێتیی دەكات

.

سەرۆكایەتی زانكۆی كرماشان، لەنوسراوێكدا كە ئاڕاستەی مەكتەبی پەیوەندیەكانی یەكێتیی لە تاران - ئێران كردوە، سوپاسی یەكێتیی نیشتمانیی كوردستان دەكات، لەبەرامبەر ناردنی هاوكاری تەندروستی بۆ روبەڕووبونەوەی ڤایرۆسی كۆرۆنا.

لەنوسراوێكدا، كە سەرۆكایەتی زانكۆی كرماشان ئاڕاستەی مەكتەبی پەیوەندیەكانی یەكێتی لە تاران –ئێران، كردوە، محەمەد رەزا مورادی، سەرۆكی زانكۆی كرماشان سوپاسی یەكێتیی نیشتمانی كوردستانی كردوە، كەلەڕوبەڕوبونەوەی ڤایرۆسی كۆرۆنا پێداویستی دەرمانی و تەندروستیان رەوانەی كرماشان كردوە بۆ روبەڕوبوونەوەی ڤایرۆسەكە". 

شایەنی وتنە، لەسەروبەندی بڵاوبوونەوەی ڤایرۆسی كۆرۆنا لەئێران، یەكێتیی نیشتمانیی كوردستان لەرێگەی مەكتەبی پەیوەندیەكانیەوە لەتاران، هاوكاری و پێداویستی تەندروستی رەوانەی پارێزگای كرماشان كرد، بۆ رێگەگرتن لەهەرچی زوو بڵاوبوونەوەی ڤایرۆسەكە لەو پارێزگایە.

PUKmedia  تایبەت