كەشناسی: بارانی بەلێزمە دەبارێت

.

كەشناسی هەرێم رایگەیاند بارانبارین بەردەوامدەبێت و پێشبینی دەكرێت ئەو ناوچانەی باران بارینی بەلێزمەی هەبێت بۆ سبەینێ پێشبینی بارینی تەرزەش هەیە.

بەڕێوەبەرایەتی كەشناسی و بومەلەرزەزانی هەرێمی كوردستان لە راگەیەنراوێكیدا لەبارەی كەشوهەوای رۆژانی داهاتووی هەرێم رایگەیاند: كاریگەری نزمە پاڵەپەستۆی دەریای سوورو دەریای ناوەڕاست هەندێ كات چالاك دەبێت بۆیە باران بارین بەردەوامی دەبێت بۆ ئەمڕۆ و سبەینێ.

دەشڵێت: پێشبینی دەكرێت ئەو ناوچانەی باران بارینی بە لێزمەی هەبێت بۆ سبەی بریتین لە (حاجی ئۆمەران رواندز سۆران بارزان مێرگەسوور شەقڵاوەو هەندێ ناوچەی دەوروبەری - ئامێدی ئاكرێ سەرسەنگ -رانیەو چوارقوڕنەو ناوچەكانی دەوروبەری)، جگە لە بارانبارین سبەی پێشبینی بارینی تەرزە دەكرێت بە تایبەتی لەو ناوچانەی ئاماژەمان پێ كردووە لە كاتی باران.

ئەوەشی خستوەتەڕوو: كاریگەری ئەم شەپۆلە چالاكە سبەینێ ئێوارە كۆتایی دێت، بەڵام باران بارین بەشێوەی پچڕ پچڕ لەسەر ناوچەكەمان بەردەوامی دەبێت.

PUKmedia