گه‌رمیان: ژووری عه‌مه‌لیات بۆ رووبه‌روونه‌وه‌ی كولێرا پێكده‌هێنرێت

هه‌موو ئاماده‌كارییه‌ك بۆ به‌ره‌نگاربوونه‌وه‌ی كۆلێرا كراوه‌

به‌هۆی هاتنی وه‌رزی هاوین و به‌رزبونه‌وه‌ی پله‌كانی گه‌رماو به‌مه‌به‌ستی به‌رگرتن و رێگری له‌ نه‌خۆشی كۆلێرا، به‌ڕێوه‌به‌رایه‌تی ته‌ندروستی گه‌رمیان رێوشوێنی پێویست ده‌گرێته‌به‌ر.

دكتۆر حه‌سه‌ن ره‌مه‌زان به‌ڕێوبه‌ری ته‌ندروستی گه‌رمیان به‌ PUKmedia ی راگه‌یاند: له‌ سه‌ر راسپارده‌ی وه‌زیری ته‌ندروستی حكومه‌تی هه‌رێمی كوردستان هه‌موو ئاماده‌كاریه‌كمان بۆ به‌ره‌نگار بوونه‌وه‌ی نه‌خۆشی كۆلێرا ئه‌نجامداوه‌.

وتیشی: ئێمه‌ وه‌ك ته‌ندروستی گه‌رمیان به‌ هه‌ماهه‌نگی له‌گه‌ڵ سه‌رجه‌م لایه‌نه‌ په‌یوه‌ندیداره‌كان و له‌گه‌ڵ خۆپاراستنی ته‌ندروستی له‌گه‌رمیان و نه‌خۆشخانه‌ی كه‌لار ژوورێكی عه‌مه‌لیاتمان پێكهێناوه‌ بۆ رووبه‌ڕووبونه‌وه‌ی هه‌ر حاڵه‌تێكی نه‌خۆشی كولێرا له‌ناوچه‌كه‌.

PUKmedia هاوكار حاجی - گه‌رمیان