كچە كوردێك لەكەركوك پلەی یەكەمی بەدەستهێنا

100% نمرەكانی بەدەستهێناوە

لەتاقیكردنەوەكانی ئەمساڵی قۆناغی سەرەتایی كچە خوێندكارێكی كورد لەسەر ئاستی كەركوك پلەی یەكەمی بەدەستهێنا، جێگری بەڕێوەبەری پەروەردەی كەركوك-یش، دەڵێت: "ئەو كچە كوردە 100% ی نمرەكانی بەدەستهێناوە".

عومەر قادر جێگری بەڕێوەبەری پەروەردەی كەركوك بە PUKmedia ی راگەیاند: رێژەی بەشداربووانی خوێندكاری قۆناغی سەرەتایی لە تاقیكردنەوەكانی ئەمساڵ 24 هەزارو 520 خوێندكاربووە لەو رێژەیە حەوت هەزارو 354 خوێندكاری بەشی خوێندنی كوردییەو 605 خوێندكاری خوێندنی توركمانیەو، 16 هەزارو 561 خوێندكاری خوێندنی عەرەبی بوو.

وتیشی: رێژەی دەرچوون بەمشێوەیە بووە:
خوێندنی كوردی 72%.
توركمانی 94%.
خوێندنی عەرەبی 55%.

كۆی گشتیش لەسەر ئاستی پەروەردەی كەركوك بەمشێوەیە بووە:
لە 60% دەرچوون.
لە 30% كەوتوو (ئيكمال).
لە 10% دەرنەچوو.

جێگری بەرێوەبەری پەروەردەی كەركوك، راشیگەیاند: لەسەرئاستی خوێندنی عەرەبی‌و كوردی‌و توركمانی خوێندكار (تاڤگە عەلی رەحیم) كە خوێندكارێكی كوردە لەخوێندنگای مەهاباتی سەرەتاییە پلەی یەكەمی بەدەستهێناوە و توانیویەتی 100% ى نمرەكان بەدەست بهێنێت، لەسەر ئاستی خوێندنی عەرەبیش خوێندكار (دالیا لوئەی) توانیویەتی 94% ى نمرەكان بەدەست بهێنێت، لەسەر ئاستی خوێندنی توركمانیش (ئەروا عیسام) پلەی یەكەمی بەدەستهێناوە توانیویەتی لە 96% ى نمرەكان بەدەست بهێنێت.

PUKmedia هەردی ئەبوبەكر - چەمچەماڵ