ئەفسەرێكی پۆلیس بریندار دەبێت

وێنەی ئەرشیف

بەهۆی تەقینەوەی بۆمبێكی چێندراو لە شاری كەركوك، ئەفسەرێكی پۆلیسی ئامادە بریندار دەبێت.

سەرچاوەیەك لە پۆلیسی كەركوك بە PUKmedia ی راگەیاند: نیوەڕۆی ئەمڕۆ 18-6 لەدووڕێیانی سەرەكی گەڕەكی (نەسر) ی شاری كەركوك، بۆمبێكی چێندراو بە كاروانێكی سەر بە فەوجی دووی هێزەكانی پۆلیسی ئامادەی كەركوكدا تەقییەوە.

سەرچاوەكە وتیشی: لەو پەلامارە تیرۆریستییەدا، ئەفسەرێكی ئەو هێزەی بەپلەی رائید بەناوی (عەباس كەمال) بریندار بوو، زیانی ماددیش بەر ئۆتۆمبێلەكەی پۆلیس كەوتووە.

PUKmedia عومەر غەریب - كەركوك