واشنتۆن ئەنكەرە بە درۆ دەخاتەوە

جێنیفەر پساكی وتەبێژی وەزارەتی دەرەوەی ئەمریكا

وەزارەتی دەرەوەی ئەمریكا رایدەگەیەنێت كە هاووڵاتیان و رێكخراوە ئەمریكییەكان هیچ پەیوەندییەكان بە ئاڵۆزییەكانی وڵاتی توركیاوە نییە.

جێنیفەر پساكی وتەبێژی وەزارەتی دەرەوەی ئەمریكا سەرجەم ئەو دەنگۆ و تۆمەتانەی  رەتدەكاتەوە كە گوایە هاووڵاتیان یان رێكخراوە ئەمریكییەكان دەستیان هەبێت یان بەشداربووبن لە خۆپیشاندانەكانی توركیادا.

پێشتریش واشنتۆن لەسەر زاری جۆ بایدن جێگی سەۆكی ویلایەتە یەكگرتووەكانی ئەمریكا و جۆن كیری وەزیری دەرەوە، بۆچوونی خۆی دەربارەی رووداوەكانی ئەم دواییەی توركیا و خۆپیشاندانەكانی ئەو وڵاتە نیشانداوە، هاوكات ویلایەتە یەكگرتووەكان رەخنەی لە ئەنكەرە گرت سەبارەت بە پەنابردن بۆ توندوتیژی لەلایەن هێزەكانی پۆلیسی ئەو وڵاتەوە دژی خۆپیشاندەران.


PUKmedia ئاژانسەكان