Di operasyoneke hevbeş de 5 çeteyên DAIŞ'ê hatin kuştin

PUKMEDIA

Oparesyona Hevbeş

Fermandeyiya Hêzên Komando yên Kurdistanê ragihand Sêşemê bi şev piştî operasyoneke hevbeş a ewlehiyê di çarçoveya operasyonên li rojhilatê parêzgeha Selahedîn de, bi piştevaniya firokeyên artêşa Êraqê û Hevpeymaniya Navdewletî 5 terorîstên DAIŞê hatin kuştin.

Fermandeyê di daxuyaniyekê de ragihand: Hêzên komando bi hemahengiya hêzên hevpeymaniya navdewletî, Hêzên Dijî Terorê yên Êraqê û Lîwaya 16 a Wezareta Pêşmerge, operasyoneke hevbeş a ewlehiyê li devera (Tewêrkir) li navçeya Kifrî pêk anîn, amaje bi wê yekê jî kir ku “operasyon piştî wergirtina zanyariyên istixbaratî derbarê hebûna liv û tevgerên rêxistinên terorîst li herêmê birêve çû.

Li gorî daxuyaniyê, di encama operasyonê de 5 terorîstên DAIŞê hatin kuştin ku 2 ji wan emîrên wê rêxistinê bûn, herwiha embarên çek û alavên rêxistinên terorîst hatin têkbirin û hejmareke zêde ya çek û cebilxane û piskilêt jî hatin desteserkirin.
Balafirên Hevpeymaniya Navdewletî û firokeyên Êraqî êrîşeke asmanî pêk anîn, berî ku hêzên komando, Firqeya 16 û Dijî Terorê ji çend aliyan ve êrîşeke bejayî bo şopandina çekdaran pêk bînin.

PUKMEDIA