Yekîtiya Niştimanî îro dest bi kampînên hilbijartinan dike
Rêportaj 10:34 AM - 2023-11-01Logoya YNK
Îro 1-11-2023ê kampîna
propagendaya hilbijartinan bo hilbijartinên encumenên parêzgehên Êraqê ku
biryare di 18-12-2023ê de birêve biçe, dest pê dike.
Yekîtiya Niştimanî
ya Kurdistanê hemû amadekariyên hilbijartinan bi dawî kirine û li 4 parêzgehan
bi 112 namzed di gel namzedek serbixwe li paytext Bexdadê beşdarî hilbijartinan
dibe.
Li gor
daxuyaniyeke Komîsyona Bilind a Serbixwe ya Hilbijartinan ku ji aliyê PUKMEDIA
ve hatiye şopandin de îro Çarşemê 1/11/2023, kampîna hilbijartinan ji bo
hilbijartinên encumenên parêzgehên Êraqê dest pê dike, ku dê heta 15/12/2023 bi
beşdariya zêdetirî 6 hezar namzed berdewam bike bi 134 lîsteyan de hevrikiyê
dikin ku kursiyên encumena 15 parêzgehaên Êraqî yên ne birêxistin kirî li
Herêmê bi dest bixin.
Yekîtiya Niştimanî
ya Kurdistanê bi lîsteyeke serbixwe beşdarî hilbijartinên Encûmena Parêzgeha
Diyalayê dibe, lê li parêzgehên Kerkûk, Nînewa û Selahedîn di nava
hevpeymaniyên hilbijartinan de û li Bexdayê jî bi namzedek serbixwe beşdar
dibe.
Berpirsê Ofîsa
Hilbijartinan a Yekîtiya Niştimanî Rizgar Hec Hema di daxuyaniyekê de ji
PUKMEDIA re ragihandibû: Yekîtiya Niştimanî ji bo hilbijartinên encumenên
parêzgehan 112 namzed hene û ti namzedên me di yasaya berpirsînê û dadperweriyê
de cih negirtine.
Got jî: Hemû
namzedên me kesên jêhatî û berpirs in û ti dîroka wan nîne ku beşdarî nava partiya
Beis ya hilweşiyayî bibin û hêvîdarim baweriya welatiyan bi dest bixin bo
parastina mafên xwe yên rewa û amaje bi wê yekê jî kir ku Yekîtiya Niştimanî ya
Kurdistanê hemû amadekarî bo beşdarîkirina di hilbijartinên dahatî yên
encûmenên parêzgehan de kiriye û dê kar ji bo misogerkirina serkeftina namzedên
xwe bike daku bibe berevankarên mafên xelkên navçeyên nekok.
YNK encumena
parêzgeha Kerkûkê di çarçoveya (Hevpeymaniya Kerkûkê hêz û vîna me ye) de û di
lîsteya jimare (142) de beşdarî hilbijartinên Encûmena Parêzgeha Kerkûkê dibe, ku
di 5-8-2023 de Yekîtiya Niştimanî ya Kurdistanê û Partiya hevpeymaniya
Kurdistanî ragihand bo hilbijartinên Encûmena Parêzgeha Kerkûkê ji bo ku dengên
Kurdistanî belav nebe.
Lîsteya Yekîtiya
Niştimanî ya Kurdistanê li parêzgeha Diyalayê bi hejmara (120) beşdarî
hilbijartinên encumenên parêzgehan dibe.
Li Parêzgeha Nînewayê,
Yekîtiya Niştimanî di hilbijartinên encumenên parêzgehan de bi lîsteya
(Yekîtiya Xelkê Nînewa) bi hejmara (134) beşdar dibe.
Li Parêzgeha
Selahedîn,Yekîtiya Niştimanî di hilbijartinên encumenên parêzgehê de bi lîsta
“Girseyên Netewî” bi hejmara (226) beşdar dibe.
Namzedê serbixwe
yê Yekîtiya Niştimanî li Bexdayê hejmara 204 e.
Li gor Komisyona
Bilind, hejmara dengderên tomarkirî li Biyometrîkê li 15 parêzgehên ne
rêxistinkirî li herêmê gihîştiye (16,158,788) dengderan, ku di nav wan de
dengên giştî (15,108,135) dengder, dengdana taybet ji hêzên çekdar û dezgehên
ewlehiyê (1,002,393) hilbijêr hene, û koçber (48,260) dengderin, û bi pejirandina
desteya komîseran ya dawîkirina navend û navendên dengdanê ji bo dengdana
giştî, taybet û awareyan, hejmara navendên dengdanê gehişte (7,766) bi giştî.
ji (38.040) navendên dengdanê.”
Li gor amarên ku
ji aliyê Komîsyona Hilbijartinan ve hatine ragihandin, di hilbijartinên
encumenên parêzgehan de 134 lîste beşdar in, ji wan 39 hevpeymanî, 29 partî û
66 namzedên serbixwe.
PUKMEDIA
hewal ziyatr
-
7 sal bi ser koça dawî Newşîrwan Mistefa re derbas bû
09:56 AM - 2024-05-19 -
74 hejmara heftaneya dîjîtal a Îngilîzî hat weşandin
09:46 AM - 2024-05-19 -
Hêzên Pêşmerge, artêşa Iraqê û hêzên hevpeyman civîneke bilind li dar dixin
09:51 PM - 2024-05-18 -
Encumena Nûneran serokekî nûh hildibjêre
11:27 AM - 2024-05-17
zêdetir tamaşe bike
Qubad Talebanî: Hilbijartin dê bên lidarxistin û YNK dê serkeftinanbi dest bixe
10:01 PM - 2024-05-19
Berdevkê YNK tekezî li ser pêwîstiya lidarxistina hilbijartinan ji bo zêdekirina baweriyê dike
06:08 PM - 2024-05-19
Salvegera yekemîn hilbijartinên parlamentoyê bi awayekî azad û demokratîk
10:47 AM - 2024-05-19
Nêrweyî: Nûçeya Xebat peyameke îstixbaratê ye
06:27 PM - 2024-05-18
zortrin xwendraw
-
74 hejmara heftaneya dîjîtal a Îngilîzî hat weşandin
Cîhan 09:46 AM - 2024-05-19 -
Salvegera yekemîn hilbijartinên parlamentoyê bi awayekî azad û demokratîk
Kurdistan 10:47 AM - 2024-05-19 -
Qubad Talebanî: Hilbijartin dê bên lidarxistin û YNK dê serkeftinanbi dest bixe
Kurdistan 10:01 PM - 2024-05-19 -
7 sal bi ser koça dawî Newşîrwan Mistefa re derbas bû
Kurdistan 09:56 AM - 2024-05-19 -
Berdevkê YNK tekezî li ser pêwîstiya lidarxistina hilbijartinan ji bo zêdekirina baweriyê dike
Kurdistan 06:08 PM - 2024-05-19 -
Serok Bafil:Dilê me bi gelê Îranê re ye
YNK 10:10 PM - 2024-05-19