Bayik: Divê Barzanî ji bo kongreya neteweyî pêngav bavêje

Cemîl Beyik Endamê konseya Rêvbir a KCK`ê

Endamê Konseya Rêvebir ya KCK`ê Cemîl Bayik, di der barê pêşvecûna pêvajoya aştiyê de, daxuyaniyên girîng  dane,  kovara Sivîl ya Heftana li  herêma Kurdistanê  û di daxuyaniyên xwe de galek mijarên girêdayî pêvajoya aştiyê û çareserkirina pirsa Kurd li Tirkiyê û Bakûrê Kurdistanê nirxandin, her wiha bi teybet li ser nameya ku rêberê PKK`ê Ebdulah Ocelan di newerozê de ragihadiyê rewsetiya ye,  û diyar kir ku Ocelan di nameya xwe de netenê  xîtaba yek milyon kesê ku li qada Newrozê de amedebûne kiriya her wiha wî xîtaba hemû cîhanê kiriye.
 Yek ji mijarên ku Endamê konseya Rêvebir ya KCK `ê li ser rewastiya jî,  mijarja vekşîna Hêzên PKK`ê ji bakûrê Kurdistanê bû, Cemîl Bayik diyar kir ku ji bo vekişîna hêzan berî her tiştî pêwîste bingehekî yasayî bê amadekirin, heta tedbîrên pêwîst ji bo vê yekê neyên wergirtin, gerîla venakişin.
Wekî din, Endamê Konseya Rêveber a KCK’ê Cemîl Bayik bal kişand ser rola Serokê Herêma Kurdistanê Mesûd Barzanî û Başûrê Kurdistanê û got: “Pêşveçûnên li Bakûrê Kurdistanê dê badorekî mezin li ser Başur jî bike. Em ji Birêz Mesûd Barzanî dixwazin bêtir piştgiriyê bidin vê pêvajoya ku ji aliyê rêberê me ve hatî destpêkirin. Pêwîste ev tenê di daxuyaniyên çapemeniyê de nemînin, belkî pêwîste erkê dikeve ser milê wan cîbicî bike. Em li benda her kesekî ne, lê çaverêyên zêdetir ji  kek Mesûd Barzanî hene. Em li benda wê yekê ne ku birêz Barzanî ji bo damezirandina kongreya neteweyî pêngavên pêwîst bavêje. Ger pêngavên bi vî awayî bên avêtin, wê sûdê wê ji bo Bakûrê Kurdistanê jî hebe.”
Her wiha,  Bayik got: “Rêber Apo silav û rêz ji bo birêz Barzanî şandibû. Daxwaz jê kiribû piştgiriya pêvajoyê bike û ji bo gihiştina encamekê rolê xwe bileyîze. Wekî tê dîtin birêz Barzanî jî piştgiriya peyama Rêber Apo kiriye. Aşkere ye ji bo çareserkirina pirsgirêka gelê me li Bakûr derfetekî giring li pêşiya gelê kurd e. Ev wê bandora xwe li ser tevayî parçeyên Kurdistanê jî bike.”
Bayik diyar kir ku hevdîtinên wan li gel Serokwezîrê Herêma Kurdistanê Nêçîrvan Barzanî çêbûne û got: “Ji destpêkê ve birêz Nêçîrvan Barzanî ji bo serxistina pêvajoyê amadebûna xwe nîşan da ye . Em karê aliyên din jî baş dinirxênin û cihê keyfxweşiyê ye. Herwiha beşekî zêde li Başurê Kurdistanê, ligel partî, gel, aliyên siyasî û rêxistinên sivîl piştgiriya peyama Rêber Apo kirine û rol leyîstine.
Bi taybetî hewldanên birêz Talabanî aşkere û berçav in. Ew beşdarbûn û hewldanan ji bo giringiya hêza gelê kurd li Rojhilata Navîn diyar in.”
Bayik di dawiya hevpeyvîna xwe de got: “Dewletên Yekbûyî yên Emêrîka û hemû hêz behsa piştgiriya ji bo çareseriyê dikin. Lê di warê pratîkê de kar û kiryarên berevajî tên dîtin. Lewra divê Emêrîka ku dixwaze aştî û çareserî hebe, ne tenê bi daxuyaniyên çapemeniyê, belkî pêwîste di pratîkê de rolê navbeynkariyê bileyîze.”
PUKmedia / ajans /