Dêrik; Encûmena Aborî a jinên Rojavayê Kurdistanê hat damezrandin
kurdistani 01:43 PM - 2015-08-26Dêrik; Encûmena Aborî a jinên Rojavayê Kurdistanê hat damezrandin
Rêxistina Yekîtiya Star di civînê de meclîsa aborî ya jinên herêma Dêrikê ava kirin. Meclîsa Aborî Jinan ji 15 kesan pêk tê.
Rêxistina Yekîtiya Star bi armanca avakirina Meclîsa Aborî ya Jinan a herêma Dêrikê civînek lidar xist. Civîn bi beşdarbûn dehan jinên ji hemû herêmên Dêrikê li navenda çand û hunerê ya Dicle dest pê kir.
Paşê Endama Rêveber a Yekîtiya Star Delal Efrîn axivî û sîstema desthiladariya mêr bibîr xist û destnîşan kir ku di nava dîrokê de îradeya jinan bin pê kir û wiha got: “Tevlî ku jin bingeha aboriya civakê ava dikir, lê niha bi temamî hatiye paşguhkirin. Avakirina Melcîsa Aborî ya jinan dê roleke mezin di xwerêveberiya jinan de bileyîze.”
Efrîn, her wiha bal kişand ser aboriya Rojava û dewlemendiya wê û ev tişt anî ziman: “Rojava bi çandinî û berhemên xwe yên bin erde dewlemende, lê rêjîma Baas rê ne da ku gelê herêmê ji dewlemandiya xwe sûd werbigirin. Niha dem hatiye ku gelê herêmê ji dewlemendiya ser erd û bin erd a welatê xwe feyde bikin. Divê bingeha aboriya taybat biçe û aboriya civakî bê pêşxistin. Her wiha pêwîste rola jinan a di dema neoletîkê de bê vejandin.”
Di civînê de hevseroka Şaredariya Gel a Dêrikê Dicle Hemo axivî û bal kişand ser rola jinan a di Rojava de û ev tişt anî ziman: “Jinên Rojava bûne mînak di hemû cîhanê de. Jinan ispat kiriye ku dikarin di hemû aliyên jiyanê de xwe bi rê ve bibin.”
Hemo her wiha gelek projeyên jinan pêşniyar kirin û destnîşan kir ku proje têne lêkolînkirin û bi gotina Rêberê Gelê Kurd Abdulah Ocalan a dibêje “Axa xwe, ava xwe û enerjiya xwe bikin komîn” bi dawî kir.
Piştî axaftinan beşarên civînê nîqaş kirin û meclîs û çawaniya pêşxisitina aboriya jinan di herêmê de nîqaş kirin.
Piştî nîqaşan 15 jin wekî Meclîsa Aborî ya jinan a herêma Dêrikê hatin hilbijartin. Jinên hatine hilbijartin soz dan ku dê bi hemû hêza xwe ji bo pêşxistina aboriya jinan kar û xebatan bimeşînin.
Jinan bi diruşmeyan dawî li civîna xwe anîn.
PUKmedia-ANHA
hewal ziyatr
-
Komisyonê berdewambûna amadekariyên bo hilbijartinan piştrast dike
01:41 PM - 2024-04-25 -
Qubad Talebanî: Her rojek bîranîna tawanekê ye
05:53 PM - 2024-04-24 -
Serok Bafil beşdarî merasîma cenazeyê rêheval Elî Şemar dibe
07:47 PM - 2024-04-23 -
Serfermandarê hêzên Alman serdana aramgeha Serok Mam Celal kir
12:49 PM - 2024-04-23
zêdetir tamaşe bike
Serok Bafil: Yekîtî berdewame ji bo qerebûkirin û xizmetkirina xelkê Qeladizê
02:16 PM - 2024-04-24
Amerîka: Rewşa azadî û mafên mirovan ber bi paşvebûnê ve diçin
01:51 PM - 2024-04-24
50 Sal bi ser bombebarankirina Qeledizê û Zanîngeha Silêmanî re derbas bû
09:45 AM - 2024-04-24
Merasîma xelata zêrîn a Bile birêve diçe
05:11 PM - 2024-04-23
zortrin xwendraw
-
Amerîka: Rewşa azadî û mafên mirovan ber bi paşvebûnê ve diçin
Kurdistan 01:51 PM - 2024-04-24 -
Serok Bafil: Yekîtî berdewame ji bo qerebûkirin û xizmetkirina xelkê Qeladizê
Kurdistan 02:16 PM - 2024-04-24 -
Hewlêr û Bexda di tomarkirina binpêkirinan de di pêş de ye
Rêportaj 09:14 PM - 2024-04-24 -
Qubad Talebanî: Her rojek bîranîna tawanekê ye
Kurdistan 05:53 PM - 2024-04-24 -
Komisyonê berdewambûna amadekariyên bo hilbijartinan piştrast dike
Kurdistan 01:41 PM - 2024-04-25