Ezbenî!... Kobanî!

Konê Reş

Ezbenî! Vê sibehê piştî min nûçe sehkirin û wêneyên kuştiyan li Kobanî dît, tenahî û aramiya min ji hev belawela bû, spîbûna dilê min bi reşahiyê ve hat lewitandin û xemgîniyê konê xwe di ser min û Qamişloka min re vegirt..

Ezbenî! Çima tu evqasî xemgînî?! Nizanim.. Tu dibê qey vê sibehê min tiştekî xwe winda kiriye.. Ez bûme mîna hîmekî kevirî, ku rih û can têde nemaye.. Tu dibê qey, ez xatir ji Qamişloka xwe dixwazim û pişta xwe didim dost û yarên xwe..

Ezbenî! Tu dibê qey, vê sibehê min qehwe venexwariye, tevî ku min du fincan vexwarine û ew gul û çîçekên xemgîn di hewşa xwe de avdane..!

Ezbenî! Ez Kobanî pîroz dikim, ew jî ket rêza bajarê Bedlîsa şex Şehabedîn û melle Selîm, rêza Ameda şewitî û şêx Seîdê Pîran, rêza Dêrsimê û şêx Elî Riza..

Konê Reş /Qamişlo  26/06/2015

PUKmedia