Jinên Kurd li bereyên pêş ên şer û siyasetê
kurdistani 11:08 AM - 2015-02-12Jinên Kurd li bereyên pêş ên şerê dijî DAIŞ in
Nayê diyarkirin ku Nesrîn Ebdula bi bejna xwe ya kurt û rûkeniya xwe metirsî be li ser terorîstan, lê ev keça kurd fermandariya şervanan dikir ku terorîst ji bajarê Kobanê derxistin û têkşikandin.
Dema ku di kolanên Parîsê re derbas dibû weku qehreman ji aliyê Kurdan ve dihate pêşwazî kirinê, cilên xwe ên leşkerî ku ala Yekîneyên Parastina jin YPJ li ser bû ji xwe nekirbûn.
Ev keça 36 salî ku yek ji fermandarên Yekîneyên Jin a Kurdiye li kobanê li bereyên pêş a şerê li dijî terorîstan bûye li sengerên li dijî dijminekî hov de bûye.
Nesrîn, fermandariya şervanên Kurd di şerê li dijî rêxistina DAIŞ dikirr ên ku beşek fereh ji axa Êraq û Sûriyê xistiye jêr kontrola xwe.
Fermande Nesrîn di civîneke cemawerî de ku bi çepikên germ hate pêşwazî kirin axivî û got: Me soza ku dabû gelê xwe bi cî anî, me serkeftin li kobanê bidest xist.
Di 26/1/2015 hêzên Kurdî piştî 4 meh ji şerên giran bi terorîstên DAIŞ re karîn Bajarê Kobanê rizgar bikin.
Li gor fermande Nesrîn ji %40 şervanên Kurd li bajarê Kobanê ji jinan in.
Yek ji wan jinên fermandara leşkerî weku (Narîn Efrîn)`e ku di serperştiya wê di bereyên pêş di parastina bajarê Kobanê binavûdeng bû.
Her weha (Arîn Mîrkan) yaku di 5/10/2014`an de xwe di nava terorîstên ku bajarê Kobanê dorpêç kiribûn teqand û bidehan terorîstên DAIŞ`ê kuştin.
Bi giştî 4 hezar jin di nava Yekîneyên Kurd de şer dikin li gor berpirsên Kurd ku naxwazin hejmara giştî yên şervanên xwe aşkira bikin.
Li ser pirsa gel ew ji terorîstên ku pisporin di şer de û ji hemû aliyê cîhanê hatibûn ditirsiyan? Gênca Kurd bersiv da û got: Berovajî, ew ji şerê jinan tirsiyan. Bi baweriya wan ê ku li ser destê jinan bê kuştin dê here dujehê (Cehenemê).
Nesrînê got: Tişta herî zehmet kêmaniya çek û cebilxaneyê ye.
Ji aliyê xwe ve hevseroka Partiya Yekîtiya Demokrat PYD Asya Ebdula got: DAIŞ metirsiyeke mezine li ser rewşa jinan.
Roja yekşema borî 8/2/2015 serokê Fransa, Franswa Holand pêşwazî li Asya Ebdula û fermande Nesrîn kir.
PUKmedia/AFP- Xoşnav Husên
hewal ziyatr
-
Komisyonê berdewambûna amadekariyên bo hilbijartinan piştrast dike
01:41 PM - 2024-04-25 -
Qubad Talebanî: Her rojek bîranîna tawanekê ye
05:53 PM - 2024-04-24 -
Serok Bafil beşdarî merasîma cenazeyê rêheval Elî Şemar dibe
07:47 PM - 2024-04-23 -
Serfermandarê hêzên Alman serdana aramgeha Serok Mam Celal kir
12:49 PM - 2024-04-23
zêdetir tamaşe bike
Serok Bafil: Yekîtî berdewame ji bo qerebûkirin û xizmetkirina xelkê Qeladizê
02:16 PM - 2024-04-24
Amerîka: Rewşa azadî û mafên mirovan ber bi paşvebûnê ve diçin
01:51 PM - 2024-04-24
50 Sal bi ser bombebarankirina Qeledizê û Zanîngeha Silêmanî re derbas bû
09:45 AM - 2024-04-24
Merasîma xelata zêrîn a Bile birêve diçe
05:11 PM - 2024-04-23
zortrin xwendraw
-
Hewlêr û Bexda di tomarkirina binpêkirinan de di pêş de ye
Rêportaj 09:14 PM - 2024-04-24 -
Qubad Talebanî: Her rojek bîranîna tawanekê ye
Kurdistan 05:53 PM - 2024-04-24 -
Komisyonê berdewambûna amadekariyên bo hilbijartinan piştrast dike
Kurdistan 01:41 PM - 2024-04-25