Hunermenda mezin ya Lobnanî Sebah koça dawî kir

Sebahê malavayî li hunera Libnanî kir

Îro roja çarşemê 26-11-2014`an, serê sibê, ajansên Lobanî bi fermî nûçeya koça dawî ya hunermebnda mezin ya Lobnanî Sebah ya 87 salî weşandin.

Her weha navê wê ya rastî Canît Curcis Alxefalî ye û di sala 1927`an li navçeya Bededon ya ser bi herêma Aliye a li parêzgeha Beyrutê li Lob nanê û ew bi du navan dihate naskirin, Sebah û Şehror.

Ji bo karên xwe yên hunerî, ji Lobnanê derbasî Misrê buye û li wir kar û xebata hunerî berdewam kirî tako buye hunermenda jin ya di asta duyemîn li piştî Om Kulsum ya herî navdar li Rojhilata Navîn û cîhanê tê naskirin.

Hunermenda mezin ya Lobnanî ku bi navê Sebah pir navdar bû, xwediya 83 filîman û 27 şanoyan û 3000 stranan ye û li ser şanoya gelek welatan bi fermî beşdarî festîval û karên hunerî û çandî bûye.

Sebahê 9 caran hevserî jiyan pêkaniye û ji wan hevserên wê ev in: Necîb Şemas, 5 salan bi wê re maye, Mîr Xalid bin Siud çend mehdan, Enwer Minsî , Ehmed Firac, 3 salan, Ruşdî Abaza 5 mehan, Yusif Şeban yek mehê,Yusif Hemud 2 salan, Wesîm Teyara 4 salan û yê dawî hunermendê Lobnanî Fadî Lobnan 17 salan bi wê re hevseretî dewam kir.

PUKmedia