Lahor Şêx Cengî: 24 ton çek û teqemenî gihêştine Kobanê

Lahor Şêx Cengî: 24 ton çek û teqemenî gihêştine Kobanê

Berpirsê ajansa parastin û zanyarî ya herêma Kurdistanê aşkira dike ku 24 ton çek û teqemenî yên cur be cur û yek ton kelûpel û pêdiviyên pizîşkî û derman ji aliyê Yekîtiya Niştimanî ya Kurdistanê ve gîhandine destê şervanên YPG li Kobanê.

Lahor Şêx cengî li lapera xwe ya Facebookê nivîsiye: Piştî 10 roj ji hewldanên xurt û piştî ku çend hêzekî navçeyê bi temamî li dijî vê helwestê rawestiyane, xweşbextane duh bi şev di demjimêr 2: 35 xulek berya şifaqê bi rêya balafirên cura C-130 ên Emerîkî bi qasî 24 ton çek û teqemenî yên cur be cur û 10 ton kelûpel û pêdiviyên pizîşkî û derman gîhandine şervanên Yekîneyên Parastina YPG li Kobanê.

Berpirsê ajansa parastin û zanyarî amaje bi wê jî kir ku çek û teqemenî ji aliyê Yekîtiya Niştimanî ya Kurdistanê ve hatiye amade kirin û bi rêya hêzên asmanî yên Emerîka gîhandine Kobanê.

PUKmedia