YPG: 10 xal ji destê çeteyên DAIŞ der xistin
kurdistani 07:13 PM - 2014-10-19şerê YPG`ê li Kobanê
Navenda çapemanî û ragihandinê ya Yekîneyên parastina gel YPG`ê ragihand ku êvara bihurî şervanên YPG`ê li Kobanê di encama çer û pevçûnên dijwar de 10 xal ji dest çeteyên rêxistinaterorê DAIŞ derxistin û 48 çete kuştin, her wiha diyar kir ku sê şervanên YPG`ê bi lehengî tevlî karwana şehîdan bûn.
Di daxuyaniya Navenda çapemeniya YPG’ê de ya kopyeke jê PUKmedia wergit detayên şer û pevçûnên di navbera hêzên YPG’ê û çeteyên DAIŞ’ê de hatine diyar kirin û ev agahî hatin parvekirin;
"Êrîşên çeteyên DAIŞ'ê yên ji bo dagirkirina Kobanê di roja 34'an de dewam dike. Li dijî vê yekê berxwedana şervanên YPG/YPJ û gel her roj bi hêz dibe.
Çeteyan doh ji qadên cûda hêzên alîkar anîn û êrîşek nû dane destpêkirin. Doh ji danê sibê heta êvarê çeteyan gelek topên hawanê avêtin navenda Kobanê. Danê êvarî jî bi 2 tirimpêlên bombebarkirî êrîşek xwekujî pêk anîn. Piştre jî li pey hev li eniya Rojhilat, Başûr-Rojhilat û Bakur-Rojhilat êrîş kirin. Hêzên me ev êrîş şikandin û derbasî êrîşê bûn. Hêzên me li navenda bajêr hin nuqteyên çeteyan bi dest xistin û pêş ve çûn.
Çeteyên DAIŞ'ê doh bi şev ji Rojhilat û Başûr-Rojhilatê Kobanê ji 2 milan ve êrîş kirin. Êrîşên wan heta danê vê sibê dewam kir û piştre têk çûn. Li vê derê di şer de li gorî hat tesbîtkirin 16 çete hatin kuştin û gelek çete jî birîndar bûn.
Li Bakur-Rojhilat hêzên me derbasî êrîşan bûn û 3 cihên ku çete dagirkiribûn ji dest wan hat girtin. Li gorî hat tesbîtkirin li vê derê jî 8 çete hatin kuştin. Hêzên me her wiha 1 BKC, 1 B7, 2 kilaşînkof, gelek cebilxaneyên van çekan, 1 dûrbîna şevê û 1 dûrbîna rojê desteser kirin.
Li eniya Başûr hêzên me êrîş kirin û 3 nuqteyên ku çeteyan dagirkiribûn ji dest wan girtin û gavekê pêş ve çûn. Li vê deverê jî 8 kuştiyê çeteyan hat tesbîtkirin.
Li eniya Başûr-Rojava hêzên me êrîşî çeteyan kirin û 2 nuqte ji destê wan derxistin. Hêzên me li vê derê jî 7 kuştiyên çeteyan tesbîtkirin.
Li eniya Rojava li ser riya gundê Minazê hêzên me li dijî 2 nuqteyên çeteyan çalakiyek lidar xistin. Her 2 noqte jî ji çeteyan hat girtin. Li gorî hat tesbîtkirin 6 çete li vê derê hatin kuştin.
Doh ji nîvroj heta danê êvarî 5 km li Rojavayê Kobanê li gundê Zorava û derdora wê di navbera hêzên me û çeteyan de şer qewimî. Hêzên me li vê derê 3 kuştiyên çeteyan tesbîtkirin.
3 hevalên me ku parastina Kobanê bi îrade û fedekariya xwe bi rêve dibirin di şerê doh de gihîştin şehadetê.”
PUKmedia
hewal ziyatr
-
Dije Teror û Asayîşê derbarê rudawa li Silêmanî daxuyaniyek dan
04:47 PM - 2024-04-19 -
Konsulê Rûsyayê: Yekîtî di pêşxistina aştî û diyalogê de xwedî roleke girîng e
09:38 PM - 2024-04-18 -
Yekîtî ji bo hilbijartinan amade ye
08:03 PM - 2024-04-18 -
Komisyonê roja destpêkirina kampîên hilbijartinan ragihand
01:04 PM - 2024-04-18
zêdetir tamaşe bike
Yûsif Goran: Hilbijartin teke rêya derketina Herêmê ji wê rewşê ye
08:34 PM - 2024-04-19
Birîna 160 milyon dînar ji mûçeyê parlementerên ku beşdarî civînan nebin
01:35 PM - 2024-04-19
Dahata Silêmaniyê di heftiyekê de zêdey 7 milyar dînar e
10:31 AM - 2024-04-19
zortrin xwendraw
-
Dahata Silêmaniyê di heftiyekê de zêdey 7 milyar dînar e
Aborî 10:31 AM - 2024-04-19 -
Yûsif Goran: Hilbijartin teke rêya derketina Herêmê ji wê rewşê ye
Kurdistan 08:34 PM - 2024-04-19 -
Qubad Talebanî: Aramiya Silêmaniyê xeta sor e
Kurdistan 10:10 PM - 2024-04-19 -
Birîna 160 milyon dînar ji mûçeyê parlementerên ku beşdarî civînan nebin
Kurdistan 01:35 PM - 2024-04-19 -
Dije Teror û Asayîşê derbarê rudawa li Silêmanî daxuyaniyek dan
Kurdistan 04:47 PM - 2024-04-19