Belgeyên jenosîda Êzîdiyan bo dadgeha navdewletî tên şandin

Belgeyên jenosîda Êzîdiyan bo dadgeha navdewletî tên şandin

Lijneya bilind a nasandina jenosîda Kurdên Êzîdî û pêkhateyên netewî û olî yên dine çendîn belgeyên jenosîdê didin dadgeha tawana navdewletî.

Di vê derbarê de wezîrê karûbarê şehîdan û endalkiriyan û serokê lijnewyê Mehmud Hacî Salih ragihand ku li ser biryarekî encûmena wezîran lijneya me pêk hat û lijneya me kar li ser dosyeya jenosîdê kiriye û çendîn belge hatine komkirinê.

Weîzrê karûbarê şehîd û ebfal kiriyan di kongireyekî rojnamevanî de got. Em ev belgeyên ku me komkirine radestî dadgeha tawana navdewletî li Lahayê dikin û em li benda wê yekê ne ku em bikarin dosya jenosîda Kurdên Êzîdî li navendên navdewletî bilivînin û jib vê mebestê jî lijneya me serdana Lahayê dike.

Mehmud Hacî Salih got jî: Bi heman mebestê jî lijneya bilind a nasandina jenosîda Kurdên Êzîdî dê serdana parlemana Yekîtiya Ewrupa bike û ji wir jî serdana encûmena mafên mirov li Cinêvê jî dikin taku wan raportan pêkêşî cihên pêwendîdar bikin.

PUKmedia