Belcîka: Li pêşiya YE çalakiya “Kobanî û Șingal cêwî ne”
kurdistani 02:33 PM - 2014-10-02Belcîka: Li pêşiya YE çalakiya “Kobanî û Șingal cêwî ne”
Hevgirtina rewşenbîrên rojavayê Kurdistanê HRRK`ê bangewaziyek belav kir û têde bang li Kurdistaniyê li Ewrupayê û tarawgehê kirin ku berê xwe bidin konê çalakiyê, yê ku wê sibeha şemiyê 4/10/2014, li hember avahiya Yekîtiya Ewrupayê (YE) li Brukselê bê vegirtin û ji bo piştgiriya Kobanî dengê xwe bilind bikin.
Bangewaziya HRRK ya bi navnîşana (Kobanî û Șingal cêwî ne) eve:
Ev demeke dirêj e ku hêzên tarî, bi serkêşiya Daişê, bajarê Kobanî dorpêç kirine û di van rojên dawiyê de bi çekên giran û bi hêzeke mezin berê xwe dane Kobanî û dixwazin wê dagîr bikin.
Li ber çavê hemû cîhanê, roj bi roj metirsiya dubarekirina tirajediya Şingalê li Kobanî zêde dibe û pêre jî pêdiviya Kobanî bi tevgereke bilez heye, da ku rê li ber cenosîdê û tevkujiyan bê girtin.
Di vê çarçovê de, ji bo şermezarkirina xemsariya hêzên navneteweyî û daxwazkirina mudaxeleyeke lezgîn ji bo rizgarkirina Kobanî, hevgirtina rewşenbîrên rojavayê Kurdistanê, li pêşiya avahiya Yekîtiya Ewrupayê li Brukselê çalakiyeke pirotestoyî lidardixîne. çlalakî wê roja şemiyê, demjimêr dehê sibehê dest pê bike û wê du rojan dewam bike.
Em bang li hemû rewşenbîrên rojavayê Kurdistanê dikin, da ku berê xwe bidin konê çalakiyê, yê ku wê sibeha şemiyê li hember avahiya Yekîtiya Ewrupayê li Brukselê bê vegirtin. Werin em bi hev re piştgiriya berxwedana zarokên Kobanî bikin û dengê wan bigihînin navendên biryargirtinê yên Ewrupayê. Werin em bi hev re daxwaza desttêwedaneke leşkerî dijî hêzên Daişê yên ku Kobanî dorpêçkirine, bikin.
YPG û YPJ hêzeke ku di ber Kobanî û di ber nirxên hemû mirovayetiyê de şer dike, hêjayî xurtkirin û biçekkirinê ye.
Werin em bi hev re doza bihêzkirina wan bikin û berxwedana wan û ya hemû berxwedêrên li Kobanî û Şingalê, silav bikin.
Navnîşan:
LUXEMBURG PLEIN 1050
ELSENE - 6 - BRUSSELS
Dem:
Șemiyê 04. 10. 2014
Demjimêr: 10:00
Ji bo têkiliyê:
0032 48 800 48 42
Hevgirtina Rewşenbîrên Rojavayê Kurdistanê - Komîteya Ewrupayê
01.10. 2014
PUKmedia
hewal ziyatr
-
Qubad Talebanî: Her rojek bîranîna tawanekê ye
05:53 PM - 2024-04-24 -
Serok Bafil beşdarî merasîma cenazeyê rêheval Elî Şemar dibe
07:47 PM - 2024-04-23 -
Serfermandarê hêzên Alman serdana aramgeha Serok Mam Celal kir
12:49 PM - 2024-04-23 -
Silêmanî… Merasîma xelata zêrîn a Bile birêve diçe
10:45 AM - 2024-04-23
zêdetir tamaşe bike
Serok Bafil: Yekîtî berdewame ji bo qerebûkirin û xizmetkirina xelkê Qeladizê
02:16 PM - 2024-04-24
Amerîka: Rewşa azadî û mafên mirovan ber bi paşvebûnê ve diçin
01:51 PM - 2024-04-24
50 Sal bi ser bombebarankirina Qeledizê û Zanîngeha Silêmanî re derbas bû
09:45 AM - 2024-04-24
Merasîma xelata zêrîn a Bile birêve diçe
05:11 PM - 2024-04-23
zortrin xwendraw
-
50 Sal bi ser bombebarankirina Qeledizê û Zanîngeha Silêmanî re derbas bû
Kurdistan 09:45 AM - 2024-04-24 -
Serok Bafil: Yekîtî berdewame ji bo qerebûkirin û xizmetkirina xelkê Qeladizê
Kurdistan 02:16 PM - 2024-04-24 -
Amerîka: Rewşa azadî û mafên mirovan ber bi paşvebûnê ve diçin
Kurdistan 01:51 PM - 2024-04-24 -
Hewlêr û Bexda di tomarkirina binpêkirinan de di pêş de ye
Rêportaj 09:14 PM - 2024-04-24 -
Qubad Talebanî: Her rojek bîranîna tawanekê ye
Kurdistan 05:53 PM - 2024-04-24