Parlemanterên Ewropa êrişên DAIŞ bi ser Koabnê de şermezar kir

Parlemanterên Ewropa êrişên DAIŞ bi ser Koabnê de şermezar kir

Şanda Partiya Yekîtiya Demokrat PYD`ê ya li Ewropa berdewame di hevdîtinên xwe de ligel parlemanter û serokên komên parlemantoya Ewropa, şanda PYD`ê di rojên dawî de ligel serokê koma partiyên Sosyalîst ên di parlemantoya Ewropa de Endiryas Kiros civiya.

Hevserokê PYD`ê Salih Musilm û li ser vexwendina ji aliyê serokê komîta siyasî ya Parlemantoya Ewropa beşdarî civînê  bû,  û di civînê de rewşa dawî ya li Sûriyê û navçeyê nirxand û derbarê de agahiyên berferh dan bi teybet derbarê rewşa bajarê Rojava Kurdistanê Kobanê de, ya rastî êrişeke hov a rêxistina terorê DAIŞ bi ser de tê. Her wiha Musilm li gel serok û endamên koma partiyên Çep di parlemantoya Ewropa de civiya û bi teybet derbarê rewşa Kobanê de axivî.

Gelê Kurd ji aliyê xwe ve  bi mebesta piştgirî bide Kobanê li gelek paytext û bajarên Ewropa xwepêşandan,meş, girev û çalakî lidarxistin û li pêşberî avahiya parlemantoya Ewropa li Strasborgê jî çalakiya mangirtinê lidarxistin. Her wiha li Cinêvê û Kopihagênê jî hejmarek ji siyastmedar û parlemanterên Kurdistanê mangirtin girtin û çalakî birêve birin.

Hevserokê PYD`ê di civîna ku komîta siyasî ya parlemantoya Ewropa de, ku bi xwe li ser banga serokê komîtê Tiyodor Bakoyanz û bi tevlêbûna 50 parlemanterên ji komên cuda ên di parlemantoya Ewropa de ne lidarket, derbarê rewşa siyasî û leşkerî ya li ser qadê li Kobanê agahiyên berfereh pêşkêş kirin, her wiha mafên û daxwazên gelê Sûriyê yên rewa nirxand. Parlemanterên Ewropa ji aliyê xwe ve êrişa rêxistina terorê DAIŞ bi ser Kuran ve li Rojavayê Kurdistanê şermezar kirin û destnîşan kirin ku ew metirsî û gefên îro DAIŞ li Kurd dixwe, di rastiya xwe de li hemû cîhanê û şaristaniyê gef û metirsiye.

Parlemanter Tiyodor Bakoyanz ji aliyê xwe ve da xuya kirin ku dê ew bi mebesta rewşa Rojavayê Kurdistanê û êrişên DAIŞ bi ser û çawa û bi çi rêbazî alîkarî û piştgirî ligel gelê Kurd li Rojava bête kirin û derbarê hevdîtina li gel Hevserokê PYD`ê Salih Muslim de raportekê amadebike û roja pêncşemê pêşkêşî civata Parlemantoya Ewropa bike.

Şanda PYD`ê her wiha duh ligel koma partiyên Çep ên di parlemantoya Ewropa de ne,  beşdarî xwarina nivro bû û li wir jî Hevserokê PYD`ê derbarê pêşketin û pêşveçûnên dawî axivî, endamên koma partiyên Çep gelek giringî dan êrişên DAIŞ bi ser Kobanê ve dibe û êrişên balafirên Emerîka û hevpeymana navdewletî yên li dijî DAIŞ li deverên Rojavayê Kurdistanê nirxandin.

Serokê koma partiyên Sosyalîst Endiyas Kiros ji aliyê xwe di hevîdtina xwede li gel şanda PYD`ê soz da ku dê ew her cure alîkarî û piştgiriyê bidin proja Rêvebiriya Xweser û nas bikin û da xuya kirin ku helwesta wan di piştgirîkirin li tekoşna gelê Kurd û berxwedana ku li dijî rêxistina terorê DAIŞ dikin diyar û zelale.

Kiros wekî din diyar kir ku di pirsa rêkirina çekan de ti desthilatdariya wan nîne lê dikarin di vê derbarê de bi mebesta parastina hindekayiyan û hêzên Demokrat pêşkêşnameyekê pêşkêşî parlemantoya Ewropa bikin.

Şanda PYD`ê her wiha li gel berpirsa dosya Tirkiyê Jozêt Doryo civiya û derbarê rewşa dawî ya li navçeyê de û rola welatên herêmê di piştgirî kirin li seqemgirî û demokrasiyê de li navçeyê goftûgo kirin û nirînên xwe pêşkêş kirin.

Her wiha hate ragihandin ku dê şanda PYD`ê di rojên pêş de berdewam be di hevdîtin û serdanên xwe de li welatên Ewropa.

PUKmedia