Qubad Talebanî: Parastina azadiya çapemeniyê yek ji prensîbên min a siyasî ye

PUKMEDIA

Qubad Talebanî

Cîgirê Serokwezîrê Herêma Kurdistanê Qubad Talebanî bi boneya Roja Cîhanî ya Azadiya Çapemeniyê daxuyaniyek belav kir û tê de ragihand ku li Silêmaniyê bîrdariya rêzgirtin ji rojnamevanên ku ji bo xebata rojnamevanî û azadiya rojnamevaniyê şehîd bûne wê were avakirin.

 Daxuyaniya çapemeniyê wiha ye:

Parastina azadiya rojnamegeriyê yek ji bawerî û prensîbên min ên berdewam di jiyana min a siyasî de ye.
Li gorî ezmûna welatan, bêyî azadiya çapemeniyê, azadiyên din nayên parastin, civaka sivîl pêşnakeve, demokrasiya aram ava nabe, desthilatdariya bi aqilane û berpirsiyar pêk nayê.

Bi boneya roja cîhanî ya azadiya rojnamevaniyê ez pîrozbahiyê li hemû rojnamevanan dikim, bi taybetî yên ku bi awayekî profesyonel rastiyan radigihînin û bi rêz û hurmet li bîranîna hemû şehîdên rojnamevanên Kurdistan û Êraqê silav dikin û em radigihînin ku di demek nêzîk de emê bîrdariyekê li Silêmaniyê ava bikin “Parêzvanên Rastiyê” ku ev salek e bi mebesta rêzgirtin ji hemû rojnamevanên ku piştî sala 2003 li Kurdistan û Êraqê şehîd bûne li ser kar dikin.


PUKMEDIA