قوباد تاڵه‌بانی: ئه‌رسه‌لان بایز هه‌مووكات قه‌ڵه‌م و ده‌نگێكی راستگۆ بووه‌

نووسینگەی رۆژنامەوانی قوباد تاڵەبانی

قوباد تاڵەبانی و ئەرسەلان بایز

لێپرسراوی مه‌كته‌بی سكرتارییه‌تی سه‌رۆك مام جه‌لال سه‌ردانی ئه‌رسه‌لان بایز ده‌كات و راشیده‌گه‌یه‌نێت: "كاك ئه‌رسه‌لان بایز تێكۆشه‌ر و قاره‌مان و قه‌ڵه‌مێكی راستگۆو ده‌نگێكی بڵندی رێی كوردایه‌تی و رێبازی مام و یه‌كێتییه‌، هه‌موو كات پارێزه‌ری پره‌نسیپ و دڵسۆزی یه‌كێتییه‌كه‌مانه‌ و قۆناغه‌كانی خه‌باتی سه‌لمێنه‌ری ئه‌و راستیه‌ حاشا هه‌ڵنه‌گره‌یه‌".

قوباد تاڵه‌بانی لێپرسراوی مه‌كته‌بی سكرتارییه‌تی سه‌رۆك مام جه‌لال له‌ هه‌ژماری تایبه‌تی خۆی له‌فه‌یسبوك په‌یامێكی بڵاوكردووه‌ته‌وه‌ و رایگه‌یاندووه‌: " ئه‌مڕ‌ۆ له‌گه‌ڵ هه‌ڤاڵانم له‌ مه‌كته‌بی سكرتارییه‌ت له‌ هه‌ولێر، سه‌ردانی هه‌ڤاڵ و برای گه‌وره‌مان ئه‌رسه‌لان بایز-مان كرد، بۆ هه‌واڵپرسین له‌باره‌ی ته‌ندروستییان". قوباد تاڵه‌بانی ده‌شڵێت: "كاك ئه‌رسه‌لان بایز تێكۆشه‌ر و قاره‌مان و قه‌ڵه‌مێكی راستگۆو ده‌نگێكی بڵندی رێی كوردایه‌تی و رێبازی مام و یه‌كێتییه‌".

"ئه‌رسه‌لان بایز هاوڕ‌ێیه‌كی دڵسۆزو دێرینی سه‌رۆك مام جه‌لالی باوكم و هێرۆ ئیبراهیم ئه‌حمه‌دی دایكم بوو، هه‌موو كات پارێزه‌ری پره‌نسیپ و دڵسۆزی یه‌كێتییه‌كه‌مانه‌ و قۆناغه‌كانی خه‌باتی سه‌لمێنه‌ری ئه‌و راستیه‌ حاشا هه‌ڵنه‌گره‌یه‌، به‌هیوام هه‌مووكات به‌ته‌ندروستییه‌كی باشه‌وه‌ بیبینمه‌وه‌و له‌گه‌ڵ هه‌ڤاڵه‌كانی تر وه‌ك هه‌میشه‌ پایه‌و هێزی یه‌كێتیی بن"، قوباد تاڵه‌بانی واده‌ڵیت.

لەلایەکی ترەوە هەرئەمڕۆ ٢٠٢٤/٥/١ لەسەر ڕاسپاردەی بافڵ جەلال تاڵەبانی سەرۆکی یەکێتیی نیشتمانیی کوردستان، قوباد تاڵەبانی لێپرسراوی مەکتەبی سکرتارییەتی سەرۆک مام جەلال، مەکتەبی سکرتارییەت لە ناحیەی شەمامک لە شاری هەولێر سەردانی کەسایەتی و فەرماندەو تێکۆشەری دێرینی یەکێتیی و گەلی کورد  مامۆستا (سەیفەدین عەلی ئەحمەد ) یانکرد .

لەو بەسەرکردنەوەیەدا مەکتەبی سکرتارییەت لە نزیکەوە لە تەندروستی مامۆستا سەیفەدین ـ یان پرسی و هیوای تەندروست باشیان بۆ خواست .

مەکتەبی سکرتارییەت لەبەرامبەر خزمەتەکانی لەخەباتی کوردایەتی و ئارامی و ئاسایش رۆڵی مامۆستا سەیفەدین ـ یان بەرزنرخاند کە وەک تێکۆشەرێک لە هەر ئەرک بەرپرسیارێتییەکدا بووبێت بەو پەڕی دڵسۆزییەوە رایپەڕاندووە و تەئکیدیشیان کردەوە بە بەڕێزەوە لە رابردووی پرشنگداری تێکۆشەرانی یەکێتی دەڕوانن و هەر خزمەتێکیشیان هەبێت جێبەجێی دەکەن .

لەبەرامبەردا مامۆستا سەیفەدین دەستخۆشی لە مەکتەبی سکرتارییەت کرد کە بەتەنگ رابردووی هەموو ئەو کەسایەتیانەوەن کە لە شۆڕشی نوێدا خەباتیان کردو بەشێک بوون لە سەرکەوتنەکان و هیواشی خواست ئەم سەردانانە بەردەوامی هەبێت چونکە پێشمەرگەی دێرین شایەنی هەموو خزمەتێکن.

PUKMEDIA